هلا ياوردة مازال مضمونها في الكتمان

هلا ياوردة شميتها في داخل البستان
................هـــــلا ياوردة مكتوبها زاد الغلا فيني

هلا ياوردة مثل القمر واحلى من الريحان
................هــــلا ياوردة من ريحها والعطر تعطيني

هلا ياوردة مضمونها لازال في الكتمان
................هــــلا ياوردة بأزها رها والود تكويني

هلا ياوردة البستان يا لهفة هوا الحيران
................هــــلا ياوردة لاشحّت الامطار تروينــــي

هلا ياوردة فيها الندى والسرّ في الاغصان
................هـلا ياوردة الذكرى فداها باقي اسنيني

هلا ياوردة ما تشرب إلا صافي الامزان
................هـــــلا ياوردة ما تسكن إلا في شراييني

هلا ياوردة كم حرّكت فيني من الاشجان
.................هــــلا ياوردة لو غرّدت بالصوت تشجيني

هلا ياوردة جودي بعزف الناي والالحان
.................هــــلا ياوردة تقتل عنا قلبي وتحييني

هلا ياوردة تحتل ليل النصف من شعبان
.................هــــــلا ياوردة كوني بقلبي لا تخليني

هلا ياوردة باعوني الاحباب والخلان
.................هــــلا ياوردة هل في عروقك ما يسليني

هلا ياوردة من غير شوفك تيبس الاوطان
.................هـــلا ياوردة واوراقك الخضراء تغطيني

هلا ياوردة سبحان من يخلق هوا الرحمان
.................هــلا ياوردة في شكلها والريح يرضيني

هلا ياوردة تمحين ما في قلبي الولهان
.................هــلا ياوردة ارجيك وانتي كيف ترجيني

هلا ياوردة شوفي بقايا عمري التعبان
.................هــلا ياوردة يفديك ماباقي من اسنيـني

هلا ياوردة شربت غلاقلبي وغطت سائر الاركان
... .............هــــلا ياوردة كبرت غصونك في رواشيني

هلا ياوردة والورد غالي داخل الدكان
.................هـــلا ياوردة غطت على كل الرياحينــي